Во турскиот Кипар победа на умерениот Ерхурман, има ли можност за обединување?

Умерениот политичар од левиот центар, Туфан Ерхурман, победи на претседателските избори во турскиот дел на Кипар, освојувајќи 62,8% од гласовите. Неговата победа отвора можност за обновување на преговорите на ОН за обединување на Кипар, кои се прекинати од 2017 година. Ерхурман е противник на решението за две држави што го поддржува Турциј и најави дека ќе се залага за федерално решение, поддржано од ОН, со цел да се заврши речиси 50-годишната поделба на островот.
Турскиот претседател Реџеп Тајип Ердоган и кипарскиот претседател Никос Христодулидис му честитаа на Ерхурман за победата и истакнаа поддршка за мирните преговори.