Во Aнкара се одржува состанок на владини делегации на Грција и Турција предводени од Мицотакис и Ердоган

Грчкиот премиер Кирјакос Мицотакис, придружуван од десет министри, денеска во Анкара ќе учествува на шестиот Висок совет за соработка меѓу Грција и Турција. Најпрво е предвидена поединечна средба со турскиот претседател Реџеп Таип Ердоган, по што ќе следат проширениот состанок, заедничка прес-конференција и ручек.
Целта на средбата е да се оцени напредокот на односите и да се задржат отворени каналите на комуникација меѓу Грција и Турција.
Болното прашање за разграничување на морските зони како што се дознава не е на агендата на состанокот.