„Жолта“ тревога за 48 од 81 провинција – предупредување за обилни врнежи од дожд, бури и лавини, издаде турската метеоролошка служба.
Се очекуваат силни бури и обилни врнежи од дожд во регионите на Мармара и Егејското Море, додека се препорачува претпазливост во источните делови на Турција поради ризикот од лавини.
Се очекуваат и прекини во морскиот и воздушниот сообраќај.
Граѓаните се предупредени да преземат мерки на претпазливост поради најавената снежна бура поради паѓање дрвја и столбови, мраз на патиштата, уривање на покриви, но и поради можноста за труење со јаглерод моноксид од печки и греалки на природен гас, а властите апелираа да не се патува освен ако не е апсолутно неопходно.
Генералниот директорат за метеорологија, исто така, предупреди дека студени воздушни бранови од Балканот и Сибир ќе ја погодат Турција почнувајќи од понеделник, со очекувани многу обилни снежни врнежи и температури под нулата.
