Најмалку 66 лица загинаа, а повеќе од 430.000 се раселени по ударот на тајфунот Калмаеги нa Филипините, соопшти утрово Националната агенција за управување со катастрофи.
Десет лица се повредени во поплави и несреќи предизвикани од силниот ветер и обилните врнежи, кои зафатија 24 провинции во регионите Лузон, Висајас и Минданао.
Тајфунот имал ветрови со јачина до 130 километри на час, со налети и до 180 км/ч, додека се оддалечувал од западниот брег на земјата. Се очекува вечерва да продолжи кон Виетнам.
Најтешко погодена е провинцијата Себу, каде што 49 лица загинале во поплави и одрони. Смртни случаи се пријавени и на островот Негрос и во провинциите Капиз, Бохол, Лејте и Јужен Лејте.
Вкупно 706.000 лица се погодени од невремето, од кои 436.000 се евакуирани. Во повеќето погодени области снабдувањето со електрична енергија е прекинато, а 30 авионски летови се откажани.
Метеоролошката служба предупреди дека нова тропска депресија се приближува и може да се засили во супертјун во текот на викендот.
Секоја година Филипините се погодени од околу 20 тропски циклони. Најразорниот беше тајфунот Хаијан во 2013 година, кој однесе повеќе од 6.300 животи.
This is not normal — it’s getting worse day by day. This morning, powerful floodwaters hit Villa Azalea Phase 2C, Cotcot, Liloan, Cebu, Philippines, as strong winds and heavy rain from Typhoon Tino (Kalmaegi) continued. pic.twitter.com/5qmenSBQNV
— Weather Monitor (@WeatherMonitors) November 4, 2025
