Мицкоски: Градот Скопје ќе добие 100 електрични автобуси, а останатите општини 50 такви возила

Потребата од подобрување на возниот парк во скопскиот ЈСП одамна постои. На тоа се посветиле и во Владата.
Премиерот Христијан Мицкоски кажа дека Владата донела одлука за набавката на нови 150 електрични автобуси, кои ќе се отстапат на користење на Градот Скопје и општините, а набавката ќе се реализира со кредит, и тоа со грејс период од 3 години и рок на отплата на 12 години,
со поволна каматна стапка.
– Градот Скопје побара 250 автобуси, но за него сега ќе бидат отстапени 100 со 50 полначи, а останатите општини што имаат организиран превоз
побараа 89, а ќе добијат 50 со 25 полначи, објасни Мицкоски.