Излезноста во вториот круг од локалните избори е 18,05 отсто на територија на целата држава, што е за 2 % помалку од првиот изборен круг.
За градоначалник на Скопје гласале 15,28 отсто од запишаните избирачи. Во скопските општини најниска е излезноста во Чаир – 5% и Сарај – 3%, а највиска – 22 отсто во Центар и Карпош.
Денеска до 19 часот 1.013.375 гласачи ќе избираат градоначалници во 32 општини и во Градот Скопје.
Во вториот изборен круг за градоначалник се гласа во Градот Скопје и во општините Аеродром, Боговиње, Брвеница, Валандово, Виница, Дебар, Дебарца, Демир Капија, Карпош, Кичево, Конче, Кочани, Крушево, Куманово, Лозово, Македонска Каменица, Македонски Брод, Могила, Неготино, Пробиштип, Ранковце, Росоман, Струга, Студеничани, Тетово, Центар, Чешиново Облешево, Чучер Сандево, Шуто Оризари, Долнени, Дојран и Зрновци.
Резултатите од гласањето на изборите се очекуваат во текот на вечерта, а се очекува последната прес-конфренција ДИК да ја одржи околу 23 часот.
Во вториот круг се гласа за двајцата кандидати кои во првиот круг добиле најмногу гласови, а за градоначалник е избран кандидатот кој добил поголем број гласови.
МОЖЕБИ ЌЕ ВЕ ИНТЕРЕСИРА: