На улица Македонија во Скопје утре од 12 часот се одржува манифестацијата „Центарски улици 4″, по повод – Светски ден на уметноста“ при што јавниот простор ќе се претвори во отворена сцена со улични перформанси и уметнички содржини. Во програмата ќе учествуваат живи статуи, ликовни уметници кои ќе создаваат дела во живо, како и музички и диџеј настапи.
Меѓу учесниците на фестивалот е и Дина Јашари која ќе одржи концерт, диџеј сет на Папак Басс, Бугимен и ликовна колонија, концертот на Тони Зен и неговиот бенд, а во текот на денот следуваат улични перформанси и шоу настапи на Фаз Бабл, Кристијан Бенито и Ѓурчиновски.
Настанот има за цел да им овозможи на младите уметници да се претстават пред јавноста и да се поттикне користењето на јавниот простор преку култура. Ова е четврто издание на настанот, кој веќе неколку години создава директен контакт меѓу уметниците и публиката.
