Македонија е исправена пред голем проблем во евроинтеграциите, мора да исполнува уценувања за да се придвижи напред, и пак нема да знае што ја чека понатаму. Ова е време кога мора да се мобилизираат сите зналци за да се најде излез од ситуацијата.
Каде се поранешниот премиер Димитар Ковачевски и порано сеприсутниот вицепремиер Бојан Маричиќ? И тие треба да помогнат. Овој тандем сигурно знае како понатака, оти тој и не доведе до тука на евроатланскиот пат. Како умни политичари сигурно ставиле некаде во договорите што ги прифатија со Бугарија и ЕУ – јасна гаранција и предвидливост како Македонија ќе се движи понатаму откако ќе го смени уставот. Време е на јавноста да и покажат каде го напишале тоа.
Маричиќ во октомври 2023 година истакна дека по завршувањето на уставните измени веќе никој, а особено Бугарија, нема да има кредибилитет да прави каква било блокада, бидејќи сметал дека биле доволно блокади. Еве ова сега тој нека го образложи малку подетално за јавноста да не стравува непотребно од нови бугарски вета.
Ковачевски во декември 2023 година истакна дека Владата на СДСМ има јасен план кој е движечка сила за напредок кон ЕУ. Епа зошто го нема сега да го дообјасни планот и дали според него ќе има нови вета и нови уценувања кон Македонија.
Време е Ковачевски и Маричиќ да си ги кажат мислите. Не треба да им е незгодно што народот на избори им кажа што мисли за нив.
