Емели Санде, еден од најмоќните женски вокали на новата светска соул ера, ќе настапи на 7 ноември во Арена „Борис Трајковски“ пред македонската публика.
Со повеќе од 20 милиони продадени изданија, Емели Санде е уметник со светски статус. Низ годините, нејзините песни како „Next to Me“, „Read All About It“, „Clown“, „Beneath Your Beautiful“ и „My Kind of Love“ станаа химни на милиони луѓе. Таа е позната по способноста секоја нота да ја претвори во приказна, а секој настап во незаборавен момент. Нејзиниот вокал, опишан како еден од најпрепознатливите на современата сцена, носи сила, длабочина и искреност што ретко кој артист денес ја поседува.
Концертот на 7 ноември ќе биде дел од нејзината европска турнеја, на која Емели Санде се претставува во модерно, свежо и драматично продукциско пакување.
Концертот на Емели Санде во Скопје се реализира во рамките на „Скрим фестивал“ (Scream Festival) – фестивал кој обединува врвни светски и регионални уметници.
