Русија за првпат употребила млазен беспилотен летал со специјална боева глава наменета за уништување на високонапонски далноводи, тврди Сергеј Бескрестнов, советник на украинскиот претседател и експерт за радиотехнологија. Според информациите, нападот бил извршен на 30 септември, а за него објави „Украинска правда“.
Според Бескрестнов, станува збор за кумулативно-сечечка специјална боева глава (КРСН), развиена исклучиво за уривање на високонапонски столбови и челични мостовски конструкции.
„Оваа боева глава се состои од главно полнење од 40 килограми и четири дополнителни модули за уништување“, изјавил тој.
Употребата на ваков тип оружје кај млазните дронови, според украинскиот експерт, може да укажува дека Русија подготвува поинтензивни напади врз украинската електроенергетска инфраструктура.
Во изминатите месеци е забележано значително зголемување на употребата на млазни беспилотни летала. Во јули, бројот на такви напади бил петпати поголем во споредба со јуни.
Во меѓувреме, руската воена индустрија започнала и со сопствено производство на кинески млазни мотори, откако се соочила со потешкотии при нивната директна набавка од Кина.
Според анализата на остатоците од соборени беспилотни летала, најновите модели „Геран-4“ и „Геран-5“ се опремени со кинески млазни мотори Telefly TF-TJ2000A, кои се склопуваат во производствениот комплекс во Алабуга.
Засега нема независна потврда за употребата на новата боева глава, а информациите се темелат на украински извори и анализи.
🚨Grim News: Russia has begun using specialized munitions to destroy high-voltage pylons and metal bridges, says Zelenskyy's advisor.🇷🇺🚀🔥
▪️ "Today, the Russians used a special munition—a shaped-charge cutting munition (KRSN)—on a jet-powered UAV [in Kiev] for the first time,"… pic.twitter.com/3uHWYbV0BV
— Aleksey The Great 🇷🇺🎖 (@aleksthgrt) September 30, 2026
