Убава иницијатива од „Лајка“: Скопјани да се пријават за привремено домашно згрижување на улични кучиња

„Лајка“ ги повика сите скопјани да се пријават за да станат привремени згрижувачи на улични кучиња. Од претпријатието велат дека оваа нивна мерка е со цел да се овозможи хуман третман на бездомните кучиња и зголемување на стапката на вдомување.
„Привременото згрижување претставува краткорочна грижа за куче од прифатилиштето, во домашни услови, сè до негово трајно вдомување. Овој модел овозможува кучињата да се социјализираат, да стекнат рутина и повторно да изградат доверба во луѓето, што значително ги зголемува шансите за успешно вдомување. Како поддршка на згрижувачите, ‘Лајка‘ ќе обезбеди храна за целото времетраење на престојот, комплетна ветеринарна грижа, стручна поддршка и насоки, промоција на кучето за вдомување“, велат од претпријатието.