Американскиот претседател Доналд Трамп објави серија пораки на својата социјална мрежа, тврдејќи дека Иран се соочува со финансиски колапс поради американската поморска блокада. Според Трамп, Техеран очајно сака да го отвори Ормускиот теснец бидејќи губи 500 милиони долари дневно поради блокадата.
Во друга објава, Трамп тврдеше дека иранското раководство всушност не сака теснецот да е затворен, и покрај нивните закани, туку сака да биде отворен токму поради огромните приходи.
Тој, претходно напиша и дека пред четири дена му се обратиле медијатори кои тврделе дека Иран сака веднаш да го отвори теснецот.
Пораки доаѓаат само неколку часа откако Трамп објави продолжување на прекинот на огнот со Иран за да му даде на Техеран повеќе време за преговори.
