Посебен режим на сообраќај денеска во Скопје поради официјална посета од Косово

Во делови од Скопје денеска ќе биде воведен посебен режим на сообраќај поради официјалната посета на претседателката на Собранието на Република Косово, Албулена Хаџиу.

Од Министерството за внатрешни работи информираа дека поради движењето на официјалната делегација, Единицата за безбедност на патниот сообраќај ќе преземе мерки за регулирање на сообраќајот во централното градско подрачје.

Поради тоа, во одредени периоди се можни краткотрајни застои и пренасочувања на сообраќајот по трасите по кои ќе се движи делегацијата.

Од МВР ги повикаа сите учесници во сообраќајот да ги почитуваат насоките и наредбите на полициските службеници, со цел непречено одвивање на официјалната посета и безбедност на сите учесници во сообраќајот.

Поврзани вести:

Жителите на Пинтија добија нова фекална канализација, заврши проектот на улицата „Саса“

Општина Кисела Вода ја зајакнува соработката со унгарската општина Игал

Крводарителска акција во Општина Карпош во четврток

Финансиската помош за пензионерите во Центар зголемена од 2.500 на 5.000 денари

Водата во Скопје е исправна и безбедна за пиење

Целосна реконструкција на улиците „Бутелска“ и „Радишанска“ со изградба на нова атмосферска канализација