Бројот на загинати во тешката железничка несреќа во Шпанија се искачи на 64, соопшти регионалната влада на Кастиља-Ла Манча. Во судирот меѓу два брзи воза се повредени уште околу 80 лица, кои се пренесени на лекување во повеќе здравствени установи.
Шпанските власти продолжуваат со спасувачката операција на местото на несреќата, во близина на Толедо, каде што се ангажирани голем број екипи за итни интервенции.
Премиерот Педро Санчез најави дека ќе ја посети локацијата на трагедијата за да им даде поддршка на службите кои работат на терен и да изрази сочувство до семејствата на загинатите.
„Приоритет е грижата за жртвите и обезбедувањето најдобра можна координација меѓу надлежните институции“, соопшти шпанската влада.
Во акцијата се вклучени и речиси 100 припадници на шпанската Воена единица за итни интервенции (UME), кои располагаат со тимови за пребарување и спасување, кучиња трагачи, специјализирана спасувачка опрема, како и медицински и психолошки екипи.
Покрај воените сили, на терен интервенираат и пожарникари, полицијата, Цивилната гарда и други служби за итни случаи, кои продолжуваат со спасувањето и згрижувањето на повредените.
