Соборени дрвја и кабли од силниот ветер, оштетени повеќе автомобили во скопско

По дождот – сега силниот ветер му се наврте на Скопје. Силните воздушни струи синоќа соборија повеќе дрва во Скопскиот регион и предизвика штети.

„На 6 локации се пријавени паднати дрвја и искинати кабли, при што е причинета материјална штета на повеќе автомобили. За состојбата сеизвестени СВР Скопје и Јавното претпријатие „Паркови и зеленило”, кои преземаат мерки во рамки на своите надлежности”, информира ЦУК.

Од „Паркови и зеленило” ги предупредија граѓаните да внимаваат каде ги паркираат своите автомобили и доколку забележат паднато дрво на паркинг или тротоар веднаш да пријават.

Градоначалникот на Скопје Орце Ѓорѓиевски објави дека екипите се на терен и помагаат да се отстранат опасностите и да се обезбеди безбедно движење за граѓаните.