Не сакам да верувам дека навистина идентитетот може да се препознае низ ајварот, виното, пунџурот и слично, верувам дека изјавата на еврокомесарката Марта Кос е случајна или несреќна, рече претседателката Гордана Сиљановска-Давкова во интервју на Канал 5 ТВ.
Претседателката вели дека имала прилика да биде во Словенија и дека идентитет не е ајвар, пинџур, што се гледа и од основачките документи на Европската Унија во кои има јасни параметри и се знае што е.
„Во нив има јасни примети што е идентитет. Во Повелбата за фундаменталните права јасно пишува дека ЕУ ќе го почитува нанционалниот и културниот идентитет на сите нации, дигнитетот и интегритетот. За нив нема разговор, ги приќате такви како што се, како единство во различностите. Како некој кој докторирал во Словенија и ја чувствува како втора татковина, верувам дека е случајна или несреќна изјавата, не сакам да верувам дека навистина идентитетот може да се препознае низ ајварот, виното, пунџурот и слично, а некои од нив веќе се преземени од Словенија, ние веќе немаме ајвар, за жал имаме ајвер, што значи како интересна категорија е идентитетот“, изјави Сиљановска Давкова.
Според Сиљновска-Давкова, Франце Прешерн пишувал љубовна поезија на германски јазик, но никому не му паѓа на памет да рече дека не е Словенец и дека тој е не е дел од словенечкиот идентитет.
„Ама ако во нашата татковина има луѓе на највисоки функции, премиери, претседатели кои така кооперативно изјавувата дека Гоце Делчев бил Бугарина или дека имаме ист јазик, дека сме еден народ, тогаш ќе слушаме и вакви приказни“, изјави Сиљановска Давкова.
Според неа, изветувачот во ЕП за Македонија австрискиот европратеник Томас Вајц не случајно ги избрал овие квалификативи за македонскиот јазик и идентитет.
„Слушаме дека тоа е веќе одамна решено и зошто би се повртотувало. Но, зошто тогаш би го напишал, заради притисокот од нас, стравот или љубовта кон нас? Не, тоа е заради уставните документи и почитувањето на еднаквоста“, смета Сиљановска Давкова.
За забелешките од опозицијата дека ние државата барала да биде вметнато за јазикот „многувековен“, вели дека не е точно.
Во однос на поднесените амандамани за извештајот во ЕП, истакна дека тоа го покажувааа расположението кај голема категорија европратеници и во тоа нема ништо европско и демократско. За епилогот од усвојувањето на извештајот, Сиљановска-Давкова вели „се е можно да се случи“, но нагласува дека случувањата покажуваат дека прашањето не е решено како што некој тврди.
Во врска со барањето од Софија за признавање бугарско малцинство во земјава, таа потсети дека тоа прашање првпат се појавило во 2022 година од бугарскиот европратеник Илхан Ќучук, а претходно воопшто не се спомнувало.
„Во 2008 година, Венецијанската комисија и препорача на Бугарија да го смени Уставот и да внесе гаранции за малцинските права. Во 2010 и комесарот за малцинства истото и ги препорача на Бугарија да го смени Уставот. Зборуваме за двојни стандарди, принципи и вредности на кои се темели ЕУ. Ако самата ги негира, тогаш тоа е сериозен демократски дефицит“, изјави Сиљановска-Давкова.
