На скопските улици има пречесто насилство и разбојништва. Еве, како илустрација неколку случаи само од завчера. Скопјанец бил нападнат и претепан на Средно Водно по недоразбирање во сообраќајот. Нападот го извршило едно лице.
Истиот ден рано утрото во казино на подрачјето на општина Аеродром, едно лице со закана кон вработената одзело пари од дневниот промет. Се трага по разбојникот.
Завчера е нападнат дури и полицаец. Вооружен странец пред ноќен клуб во Градскиот парк, во нападнал службеникот на МВР кој се обидел да го легитимира. Со удари со тупаници му нанел телесна повреда на полицаецот.
Истиот ден, на 21.12.2025, на пат кон Драчево на едно возило му било препречен патот од две други возила и неколку лица со тврди предмети го нападнале и натепале возачот на пресретнатиот автомобил.
Сето ова загрижува. „Сејф сити” ги смирува збеснатите возачи, но што со насилниците и разбојниците? Главниот град мора да биде подобро мониториран од МВР. Повеќе полициски патроли низ градот се нужни за да се спречи големото нарушување на јавната безбедност.
