Брисел низ годиниве често праќа во Македонија евробирократи за да ни држат лекции за демократија и борба со криминалот. Но, во последно време се повоочливо станува дека дел од таквите дипломати и не биле баш за учители.
Последен видлив случај е со поранешниот специјален преставник на ЕУ, Мирослав Лајчак, кој често доаѓаше во Македонија. Тој сега мораше да си даде оставка како советник во словачката влада оти се објавија негови комуникации со осудениот сексуален престапник Џефри Епштајн. Во една од конверзациите кои ја пренесуваат медиумите, Епштјн му нуди жени на Лајчак, а овој му враќа – не знаеш каков сум во акција.
Колку ова е вистина ќе се види, но се знае дека токму Лајчак во 2024 година не уверуваше дека геополитиката создала можности за проширување на ЕУ само што Македонија пред тоа требало да заврши некои задачи.
Инаку, станува долг списокот на евробирократи кои ни држеле лекции, а се под удар на многу афери.
Впечатлив е примерот од пред два месеци кога поранешната прва дипломатка на ЕУ, Федерика Могерини, беше приведена при истрага за измама. Таа пред неколку години ги убедуваше нашите пратеници да ги прифатат барања од ЕУ.
„Време е да почнеме да трчаме заедно, еден со друг, заедно со вашите соседи уверена сум дека со таков трк ќе одите многу далеку”, порача тогаш Могерини.
Колку трчањето со вакви личности ќе не однесе далеку и каде, останува отворено прашање за нас, но и за чесните евробирократи во Брисел.
