Во недела, на 22 март, во Скопје ќе се одржи атлетска улична трка, поради што ќе биде воведен посебен режим на сообраќај во делови од градот, информира Министерството за внатрешни работи.
Настанот ќе се реализира во периодот од 07:30 до 11:30 часот, со старт и цел на булеварот „Јане Сандански“. Трасата ќе опфати делови од овој булевар, од крстосницата со булеварите „Србија“ и „Видео Смилевски Бато“ до крстосницата со улицата „Владимир Комаров“.
Трката ќе продолжи и по дел од улицата „Васко Карангелевски“, од крстосницата со булеварот „Јане Сандански“ до булеварот „АСНОМ“, како и по дел од булеварот „АСНОМ“, од крстосницата со булеварите „Киро Глигоров“ и „Србија“ до улицата „Васко Карангелевски“.
Поради одржувањето на настанот, Единицата за безбедност на патниот сообраќај ќе воведе привремен режим, при што сообраќајот ќе биде пренасочуван по околните улици.
Од МВР апелираат граѓаните да ги почитуваат упатствата и наредбите на полициските службеници со цел безбедно и непречено одвивање на трката.
