Во Музејот на град Скопје синоќа беше отворена изложбата „Инспирации“, како дел од активностите поврзани со проектот Скопје – Европска престолнина на културата 2028.
Настанот го заокружи престојот во Скопје на градоначалниците Јозефин Хаге од Кемниц, Родолфо Зиберна од Гориција и Само Турел од Нова Горица. Заедно со претставници на Град Скопје, тие учествуваа во повеќедневни активности насочени кон размена на искуства поврзани со титулата Европска престолнина на културата.
На отворањето присуствуваа и Орце Ѓоргиевски и Беким Сали, а беше нагласена важноста од меѓународната културна соработка и размена на добри практики.
Министерот Зоран Љутков посочи дека ваквите иницијативи се значаен чекор кон унапредување на културните политики и зајакнување на европските вредности, со Скопје како активен учесник во тие процеси.
Изложбата „Инспирации“ ќе биде отворена за посетителите до 26 април, а влезот е бесплатен.
