Секој градоначалник, без разлика дали води голема урбана општина или мала рурална заедница ќе може да побара поддршка од новоотворениот Ресурсени центар за поддршка на развој на општините.
Денеска премиерот Христијан Мицкоски на отворањето на Центарот информираше дека проектот има за цел да ги адресира длабоките системски предизвици – преку подобрено управување, унапредени институционални капацитети и развој на одржлива инфраструктура.
„Тоа не се технички реформи, тоа е визијата на држава што сака да биде модерна, функционална и ориентирана кон резултати. Доброто владеење е повеќе од административна функционалност. Тоа значи институции што работат со интегритет, со координација, со отчетност – како на национално, така и на локално ниво. А токму во оваа рамка, децентрализацијата е еден од најважните столбови“, рече Мицкоски.
Тој кажа дека иако изминатите две децении се вложени значајни напори за развој на децентрализацијата, резултатите сè уште не се на нивото кое граѓаните го заслужуваат.
