Пречесто се случуваат разбојништва низ Скопје. И сетиот тој криминал станува се подрзок и се понасилен.
На пример пред некој ден петмина насилници нападнале и ограбиле 15-годишно момче во Центар. Разбојниците го пресретнале малолетникот, едниот му се заканил со остар предмет и му одзел пари и мобилен телефон, а друг од нив физички го нападнал.
Ден подоцна двајца насилници нападнале спроти трговски центар едно лице и откако го натепале го ограбиле одземајки му 8.800 денари.
Во друг случај 53-годишник извршил насилство врз 12-годишно дете кое го пресретнал со електричен мотор и без повод и причина агресивно го нападнал со тупаници и клоци во пределот на лицето и телото. Во еден момент извадил и нож со кој замавнал кон детето, а потоа со дршката го удрил по главата.
Во автобус на ЈСП, пак, бил ограбен 43-годишник на кој во подрачјето на Чаир му бил одземен мобилен телефон.
Сето ова е забележано во рок од само неколку денови, и предизвикува загриженост кај скопјани. Надлежните институции мора да преземат поопсежни мерки за драстично намалување на разбојништвата. Еден од чекорите е и поголемо присуство на полицијата на улиците.
