Неофицијално: Јахији е нов градоначалник на Брвеница

Аркин Јахији, кандидат на „Националната алијанса за интеграција“, предводена од ДУИ, неофицијално е победник на денешниот втор круг од вонредните избори за градоначалник на Општина Брвеница.

Според партиски извори, Јахији освоил околу стотина гласови повеќе од неговиот противкандидат Стојанчо Радичевски, кандидат на коалицијата „Твоја Македонија“, предводена од ВМРО-ДПМНЕ.

Официјалните резултати од гласањето се очекува да бидат соопштени од надлежните институции по обработката на изборниот материјал.

Вториот круг од вонредните локални избори во Брвеница помина со поголема излезност во споредба со првиот круг.