Мицкоски во работна посета на Северна Рајна – Вестфалија, ќе учествува на меѓународен самит

Премиерот Христијан Мицкоски од денеска престојува во работна посета на германската покраина Северна Рајна – Вестфалија, каде што ќе оствари повеќе политички и економски средби.

Според информациите од Владата, во рамки на посетата се предвидени состаноци на високо политичко ниво, како и разговори со претставници на компании, институции и бизнис-заедницата.

Мицкоски ќе присуствува и на првиот самит „Посилни заедно – отпорноста како императив за целото општество“, на кој ќе биде дел од панел-дискусијата „Од глобални промени до регионални реалности“.

Од Владата посочуваат дека посетата е насочена кон зајакнување на политичката и економската соработка, како и кон продлабочување на партнерските односи со германската покраина.