Парламентарното мнозинство ги одби амандманите на „Левица” сo кои ќе почнеше процедура за прогласување на планините Кожуф и Огражден за национални паркови.
Пратеникот од оваа партија Сашко Јанчев, на комисиска седницата предложи да се издвојат средства за изработка на студии за валоризација на планините Кожуф и Огражден – како прв чекор кон нивно прогласување за национален парк, односно заштитено подрачје. Но, како што велат од партијата и покрај образложението и јавната поддршка за заштита на овие региони, власта ги одбила амандманите.
Јанчев потсети дека Кожуф претставува национално богатство што е под континуиран притисок од поединци кои, во трка по профит, се обидуваат да ја загрозат планината. Како доказ за јасната волја на граѓаните, тој го наведе референдумот од 2017 година во Општина Гевгелија, кога од излезените 69% граѓани, дури 99% гласале за заштита на Кожуф.
