ЕУ напиша долг извештај за Македонија, но во него пак остави недокажано, што нашата држава може да очекува на патот кон зачленувањето во Унијата.
Од Брисел по кој знае кој пат ни повторија дека треба да се смени Уставот така како што бара Бугарија и потоа ќе сме почнеле да преговараме за влез во евро-семејството. И нагласи дека членството во ЕУ претставува геостратешка инвестиција и дека процесот на проширување ќе остане строг, фер и базиран на заслуги.
Е, дали ќе биде фер постапката за зачленување е она што го прашуваат македонските граѓани. Досегашните искуства на Македонија не се баш во тој правец. Впрочем и премиерот Христијан Мицкоски прокоментира дека ако ги направиме уставните измени тогаш сигурно ќе добиеме петка од ЕУ, а потоа ќе добиеме ново вето и нови проблеми.
ЕУ мора да каже и покаже јасно – дали кон Македонија ќе се поставува по демократски или по ветократски принципи. Брисел конечно мора јасно да ни демонстрира дали се држи до правото, правдата, еднаквоста и слободата или има нова темелна вредност, каде секој кога ќе му текне ќе може другиот да го блокира.
ПОВРЗАНИ ПОСТОВИ
Додади Коментар