Секогаш недостасува урбана опрема низ Скопје. Но, загрижува и фактот дека онаа поставената дел од скопјаните ја уништуваат или крадат.
За да се надмине тоа, пред некој ден, скопскиот градоначалник заедно со министерот за спорт извршија обиколка на кејот на реката Вардар, каде што започнува реконструкцијата на спортските терени. А има бајаги потреба од реконструкција. Многу од спортските терени и фитнес зони се буквално силувани од неразбрани граѓани.
Тоа може да се види и во Карпош и во Центар особено кај Маџир маало и во Аеродром. Новопоставени игралишта и справи за вежбање не издржуваат ниту една година, а веќе се за реконструкција. Здивени скопјани кои инаку глумат дека се велеграѓани ги вежбаат мускули на справите на погрешен начин со кршење.
Да не го споменуваме последниот пример од пред два дена кога во Илинден беа украдени цели летниковци кои биле поставени на трим патеката.
До кога поради здивените скопјани, питомите ќе немаат каде да се рекреираат? Прашањето е и за градските инспекции и за МВР.
