Дел од Центар денеска без вода поради водоводен зафат

Дел од жителите на скопската Општина Центар денеска ќе останат без вода поради изведување на водоводен приклучок на улицата „Дане Крапчев“.

Според информациите од Регионалниот центар за управување со кризи, а по известување од ЈП „Водовод и канализација“, прекин во водоснабдувањето ќе имаат корисниците од дел од улицата „Дане Крапчев“.

Прекинот започнал од 08:30 часот и ќе трае сè до завршување на работните активности.

Од надлежните апелираат граѓаните навремено да обезбедат потребни количини вода до нормализирање на водоснабдувањето.