Google најави нови функции за Chrome поврзани со вештачката интелигенција и интеграцијата на Gemini. Овие промени дополнително ја зголемуваат улогата на Gemini во прелистувачот и го приближуваат Chrome до статусот на „вистински AI прелистувач“.
Насловот на објавата „Новата ера на прелистувањето: Ставање на Gemini во функција во Chrome“ јасно покажува дека Google целосно го насочува Chrome кон AI-режим на работа. Како и претходните AI функции во прелистувачот, и овие новини првично нема да бидат достапни во Македонија. Нашите корисници ќе мора да почекаат или да ги користат алтернативните AI прелистувачи, како Dia од The Browser Company или Atlas од OpenAI.
Што е ново во Chrome?
Gemini веќе беше достапен преку копче во прелистувачот, но сега тоа копче ќе отвора нова „странична лента“. Преку оваа лента, корисниците ќе имаат целосен пристап до Gemini, вклучувајќи:
-
класично користење на Gemini за прашања и задачи
-
интеракција со отворените веб-страници
-
директен пристап до Nano Banana моделот за генерирање слики
-
поврзување со дополнителни Google апликации
„Агентите“ – главната новина
Најзначајната новина е што Chrome (преку Gemini) сега може да „сурфа“ во име на корисникот. Станува збор за интеграција на AI „агенти“ кои можат да извршуваат активности како резервација на хотелско сместување, купување билети и слично.
Иако овие агенти можат да бидат многу корисни, уште не е јасно дали е дојдено нивното вистинско време. Понатаму, покрај грешките што AI сѐ уште ги прави, постојат и безбедносни ризици кои ги истакнуваат и развивачите на Brave.
