Локалните избори во Скопје завршија! Орце Ѓорѓиевски ја презеде функцијата и веќе ја започна акцијата „72 часа“ да го чисти Градот од ѓубрето што на скопјани им го остави досегашната градоначалничка Данела Арсовска.
Ќе остане ли сметот и скопското ѓубре единственото по што ќе ја паметат граѓаните Арсовска? Оти кога пред четири години ја бараше довербата на скопјани, таа настапи со програма и ветувања на 69 страници, а отчет не даде ниту со 6,9 збора. Граѓаните го очекуваат тоа од неа: детален извештај за сработеното и како и како се потрошени градските пари. Конкретни спецификации и ставки каде се потрошиле околу половина милијардра евра од 4-годишни буџети за време на нејзиното началствување со Скопје.
Граѓаните, последните два месеца ѓубрето и стаорците ги видоа, но очекуваат да слушнат и видат што се реализирало. Оти Арсовска пред 4 години вети многу убави и потребни проекти како што се 5 нови мега-паркови, 5 нови булевари, обновена Универзална сала, набавка на 250 нови еколошки автобуси… Вети и најдобар Луна парк на Балканот, жичарница од Скопје до Средно Водно и садење на 100.000 дрвја секоја година. Имаше во нејзините планови и други проекти. На пример во јануари 2024 година таа вети целосно чистење на напуштената депонија Вардариште.
Се уште не е доцна да даде отчетот. Сигурно и има реализирано нешто од ветеното, нешто што сработела. Треба само да потсети! Па ако на функција дојде со програма и ветувања од 69 страници, може на заминување да даде отчетот, па макар и со 6,9 реченици.
