Најмалку 35 лица загинаа во пожарот на траектот „MV June Aster“ на Филипините, откако спасувачите пронајдоа уште 30 тела, соопшти филипинската крајбрежна стража. Пожарникарите синоќа првпат успеале да се качат на траектот, повеќе од 24 часа по избувнувањето на пожарот во близина на островот Палаван.
Густиот чад и екстремно високата температура претходно ги спречувале спасувачките екипи да влезат во внатрешноста на бродот.
На траектот, според официјалниот список, имало 134 лица – 117 патници и 17 членови на екипажот.
Од водата околу запалениот брод досега биле спасени 43 лица, додека потрагата по останатите продолжува.
„MV June Aster“ пловел од Манила кон Корон кога во средата околу 18:45 часот по локално време избувнал пожарот.
Причината за пожарот сè уште не е утврдена, а спасувачките екипи продолжуваат со пребарување на траектот и околното море.
