Маж вооружен со пушка и ножеви упадна во лобито пред гала вечера за новинари, на која присуствуваа и претседателот Доналд Трамп и повеќе високи американски функционери, пред агентите на Тајната служба да го совладаат и приведат. Трамп беше итно евакуиран и не е повреден.
Гостите легнаа под масите додека се одвиваше инцидентот, а некои пријавија дека слушнале истрели пред огромната подземна балска сала во хотелот „Вашингтон Хилтон“, каде што се одржуваше настанот.
Еден службеник за спроведување на законот рече дека вооружен маж отворил оган. Припадник на обезбедувањето бил застрелан во панцир, но се очекува да биде добро, изјавија неколку извори за новинската агенција АП.
Напаѓачот е идентификуван како Кол Томас Ален, 31-годишник од Торенс, Калифорнија. Тој признал дека цел му биле американски функционери на вечерата на дописниците на Белата куќа, која синоќа се одржа во хотелот „Хилтон“ во Вашингтон, пренесе Си-Би-Ес.
Осомничениот за пукањето ќе се појави пред суд во понеделник, соопштија американските власти на прес-конференција. Тој ќе се соочи со две обвиненија – за употреба на огнено оружје при извршување насилно кривично дело и за напад врз федерален агент со опасно оружје, изјави окружната обвинителка Жанин Пиро од Вашингтон.
Директорот на ФБИ, Кеш Пател, кој го придружуваше Трамп, рече дека се испитуваат пушка и чаури пронајдени на местото на настанот.
‼️Video captures loud noises that sounded like gunshots at the White House Correspondents’ Dinner. Shortly after, President Trump and the First Lady, along with other White House officials, were evacuated. Heavily armed Secret Service agents entered the venue and quickly escorted… pic.twitter.com/MFT3uusbca
— Kateryna Lisunova (@KaterynaLis) April 26, 2026
— Rapid Response 47 (@RapidResponse47) April 26, 2026
