Загинати, повредени и голема материјална штета од новите руски напади врз Киев

Русија трет ден по ред изврши напади со беспилотни летала врз Киев, додека во нападите врз Суми загинаа две лица, а 23 се повредени, соопштија украинските власти. Во Киев била активирана противвоздушната одбрана, а една жена е повредена и причинета е материјална штета во повеќе делови од градот.

Во Шевченковскиот округ дрон погодил ненаселена станбена зграда и предизвикал пожар, додека во Соломјанскиот округ биле оштетени петкатница и магацин. Украинските власти соопштија дека руските напади врз главниот град речиси непрекинато траат од ноќта на 24 септември.

Истовремено, руските сили го нападнале Суми и околината со наведувани авионски бомби, при што загинале две лица. Меѓу 23-те повредени има и четири деца, според украинските власти. Во Суми биле погодени станбени подрачја, а оштетени се домови, градинки и административни објекти. Украинското воено воздухопловство соопшти дека противвоздушната одбрана соборила голем број руски дронови, но дел од нив сепак ги погодиле целите.

Kyiv. A strike hits the Vodafone data centre. A tall fire at the side of the road.
Communications infrastructure in the capital.
Another night.#Kyiv #Ukraine #Russia pic.twitter.com/QkM3F5InWA

— Motosierra (@KurminX) September 27, 2026