Возило удрило мечка на пат во скопскиот регион, животното угинало

Патничко возило удрило во мечка на пат во близина на Скопје, при што животното починало, информира Министерството за внатрешни работи.

Според податоците од МВР, на 23 октомври околу 22:15 часот во СВР Скопје било пријавено дека патничко возило „волво“ со гостиварски регистарски ознаки, управувано од 36-годишниот Џ.Д. од Гостивар, удрило во диво животно – мечка.

На местото на настанот бил повикан ветеринар од Зоолошката градина Скопје, кој констатирал дека животното не давало знаци на живот.

Увид на местото извршила екипа на СВР Скопје, а околностите под кои се случила несреќата ќе бидат дополнително утврдени.