Во Драмски театар ќе се одвиваат деновите на независната сцена. Настанот ќе трае од 14 до 17 јануари. Како што велат организаторите овие денови се наменети за театарска публика што сака да излезе од својата зона на комфор.
Деновите на независната сцена ќе започнат со претставата „ СамоТи(И)Ја” на „Театроск” од Скопје на 14 јануари. Еден ден подоцна ќе следува Delirium tremens на Театарска работилница од Прилеп. „Кротка” е насловот на претставата што во продукција на Домот на културата „Иван Мазов-Климе” од Кавадарци, ќе гостува на 16 јануари. А последниот ден на 17 јануари на сцената ќе биде поставена „Сина сенка” на Театар „Златен Елец”.