Вардар и Шкендија ги дознаа можните противници во третото квалификациско коло од Конференциската лига
По елиминацијата во квалификациите за Лигата на шампионите, Вардар својот европски пат ќе го продолжи во Конференциската лига, каде што останува и тетовска Шкендија по убедливото минување на Европа од Гибралтар. Силекс, пак, го заврши настапот по драматичната елиминација од Динамо Минск од Белорусија по изведување пенали.
Двата преостанати македонски претставници во Конференциската лига ги дознаа можните противници за третото квалификациско коло.
Вардар во второто квалификациско коло ќе се соочи со летонска Рига. Првиот натпревар ќе се одигра в среда на арената „Тодор Проески“ со почеток од 20 часот. Доколку „црвено-црните“ ја минат оваа пречка, во следната рунда ќе играат против подобриот од дуелот меѓу Атерт Бисен од Луксембург и ЕТО Ѓер од Унгарија.
Шкендија, пак, во второто коло ќе гостува кај словенечкиот тим Браво. Првиот меч е закажан во четврток. Ако тетовци обезбедат пласман понатаму, во третата квалификациска рунда ќе се соочат со победникот од пресметката меѓу Малишева од Косово и Хибернијан од Шкотска.
