Управата за јавни приходи ги потсети граѓаните дека рокот за проверка и потврда на Годишната даночна пријава за 2025 година истекува на 1 јуни 2026 година.
Иако законскиот рок е 31 мај, бидејќи датумот паѓа во недела, крајниот рок се продолжува до понеделник, 1 јуни. Граѓаните кои оствариле приходи во текот на 2025 година треба преку системот „е-Даночни услуги“ да направат увид во својата даночна пријава и да ја потврдат или коригираат доколку има потреба.
Од Управата за јавни приходи информираат дека по истекот на рокот, односно од 2 јуни 2026 година, сите непотврдени даночни пријави автоматски ќе се сметаат за конечни, додека коригираните пријави дополнително ќе бидат разгледувани од службени лица.
УЈП апелира граѓаните навреме да ги проверат податоците во своите пријави и да постапат согласно состојбата. За дополнителни информации, даночните обврзници можат да се обратат преку електронска пошта или телефонските линии на Управата за јавни приходи.
