Во Македонија денеска ќе преовладува променливо облачно и посвежо време, со услови за врнежи од дожд во северните делови од земјата. На повисоките планини дождот повремено ќе преминува во снег, информираат од Управата за хидрометеоролошки работи.
Ќе дува умерен до засилен ветер од северен правец, кој наместа ќе биде и силен, со брзина над 60 километри на час.
Температурата наутро ќе се движи од -2 до 8 степени, додека максималната дневна температура ќе достигне од 9 до 17 степени.
Во Скопје се очекува променливо облачно и посвежо време, со можност за повремени врнежи од дожд. Ќе дува умерен северен ветер, а температурата ќе се движи од минимални 5 до максимални 13 степени.
Според прогнозата на УХМР, во наредниот период ќе продолжи променливо облачното време. Во северните делови ќе има услови за дожд, а на планините за повремени врнежи од снег. Особено долж Повардарието ќе дува засилен до силен северозападен ветер.
Во петок и во текот на викендот се очекува повторно да има услови за врнежи.
