Денеска низ Македонија ќе преовладува променливо облачно и топло време со сончеви периоди. Во попладневните и вечерните часови се очекуваат локални врнежи од дожд, кои на повеќе места ќе продолжат и во текот на ноќта кон вторник.
Според прогнозата, на одделни подрачја атмосферските процеси ќе бидат поинтензивни и ќе има услови за краткотрајно невреме проследено со пороен дожд, грмежи и засилен ветер.
Ќе дува умерен до засилен ветер од северен правец, а долж Повардарието повремено ќе достигнува брзина до 40 километри на час. Утринските температури ќе се движат од 10 до 17 степени, додека дневните ќе достигнат од 25 до 32 степени.
Во Скопје времето ќе биде променливо облачно со сончеви периоди и пријатно топло. Попладне во делови од котлината ќе има локален дожд и засилен ветер. Минималната температура ќе изнесува околу 18 степени, а максималната ќе достигне до 28 степени.
Во продолжение на работната седмица ќе преовладува посвежо и променливо облачно време со повремени сончеви периоди. До среда ќе дува засилен северен ветер, кој на моменти ќе надминува 50 километри на час, додека од петок повторно се очекуваат нови врнежи од дожд.
