На Град Скопје му е потребен итен ребаланс на буџетот за да може да се спроведат активности за непречено функционирање на градот до крајот на оваа година. Ова го најави вчера градоначалникот Орце Ѓорѓиевски.
Денеска од опозициската СДСМ најавија дека ќе постапат рационално и одговорно и ќе го поддржат ребалансот.
„Еден дел од ребалансот се однесува на брзо санирање на некои ситуации, особено во јавните претпријатија – како што е недостигот на средства во јавниот превоз и платите на дел од вработените во јавните претпријатија. Со цел да не предизвикаме негативни импликации и штета директно по фамилиите и по вработените, а и во зимски услови да овозможиме да не се блокира процесот на нормално течење на јавниот превоз, ќе го поддржимеребалансот, изјави координаторката на советничката група на СДСМ, Катерина Цаневска.
