СДСМ пред извесно време почна да фрла политички бомби со цел да ја руши власта. Социјалдемократите се пофалија дека седиштето на партијата е полно со бомби. Ама сега експлозии се слушаат баш во нивниот двор. И не е некоја диверзија или контранапад од власта, туку бомбардирањето доаѓа од сопствените редови.
Изборот на ново раководство предизвика силна реакција кај поранешни и сегашни функционери во СДСМ. Веднаш од функцијата се повлече претседателот на битолската општинските организации, а по него и во Крива Паланка, еден од малкуте градоначалници што СДСМ ги освои на неодамна завршените локални избори.
Остри реакции со барање за оставка на Венко Филипче дојдоа и од поранешниот прв човек на Скопје, Петре Шилегов, а се најавува и активирање на уште неколку порано истакнати челници во СДСМ кои би формирале „штаб за спас на партијата од Филипче и Заев”.
Некогаш силниот СДСМ се чини долго време во следната година ќе се тресе од експлозиите на внатрепартиските бомби.
