Амбасадорот на Европската Унија во Македонија, Михалис Рокас, утре во 14:00 часот официјално ќе му го врачи на премиерот Христијан Мицкоски Извештајот на Европската комисија за напредокот на земјава за 2026 година.
По врачувањето на документот, во 14:45 часот, Мицкоски и Рокас ќе одржат заедничка прес-конференција во Медија-центарот на Владата, на која се очекува да ги претстават клучните оценки и препораки содржани во извештајот.
Претходно денеска, претседателот на Собранието, Африм Гаши, го прими Извештајот на Европската комисија од амбасадорот Рокас.
Во објава на социјалните мрежи, Гаши оцени дека извештајот претставува објективен преглед на постигнатите резултати, но и на предизвиците со кои се соочува државата на патот кон европската интеграција.
