Денеска времето во Македонија ќе биде променливо облачно со повремени сончеви периоди, соопшти Управата за хидрометеоролошки работи (УХМР).
Во одделни котлини во утринските часови ќе има појава на магла, а ќе дува умерен, повремено и засилен ветер од јужен правец.
Утринските температури ќе се движат од 6 до 11 степени, додека дневните ќе достигнат од 14 до 21 степен.
Во Скопје се очекува претежно облачно време со утринска магла во делови од котлината. Ќе дува умерен јужен ветер, а температурата ќе се искачи до околу 20 степени.
Според прогнозата на УХМР, утре се очекуваат повремени локални врнежи од дожд, проследени со засилен до силен ветер од јужен правец, кој на одделни места ќе достигнува брзина поголема од 80 километри на час.
Во сабота времето ќе биде нестабилно, со услови за локален дожд и ретки грмежи. Ќе дува слаб до умерен ветер, кој долж Повардарието повремено ќе се засилува.
Во недела се очекуваат повеќе сончеви периоди, но по одделни котлини повторно ќе има услови за утринска магла. Температурите ќе бидат во опаѓање, а утринските на некои места ќе се спуштат и до еден степен.
