Откако завршија локалните избори се почесто се споменува реконструкција на владата. Некои министри ќе треба да ги напуштат удобните фотелји за што последен збор има премиерот Христијан Мицкоски.
Дали не е време премиерот да размисли баш сега при реконструкцијата дека е потребно и неколку од многуте министерства да се укинат? Владата е некако прегломазна и со самото тоа стимулира постоење на прилично бројна административна структура околу себе. Да не зборуваме за големиот број на министерски канцеларии, на нивни заменици, на возачи, секретарки, советници и слично. Тоа е прескапо.
Најмалку 3 до 4 сегашни министерства може да се фузираат со други и така да формираат помали, а поефикасни тимови за раководење на државните сектори. Така и граѓаните на Македонија ќе плаќаат помалку и за големи и скапи министерски канцеларии во кои видовме како на времето функционери на ДУИ дури и фудбал и кошарка играа.
МОЖЕБИ ЌЕ ВЕ ИНТЕРЕСИРА:
