Премиера на „Избраниот“ во Театар Комедија утре во 20 часот

На 28 мај од 20 часот, во Театар Комедија премиерно ќе се изведе претставата „Избраниот“ по текст на Ева Камчевска, а во режија на Јане Спасиќ.

Во претставата играат Тони Денковски, Жаклина Петровска, Виктор Арсов, Сергеј Димоски, Елена Кузманов и Ангела Лефкова.

„Избраниот“ се најавува како апсурдна комедија за тричлено семејство кое живее во една рудиментарна средина и се подготвува за моментот кога родителите ќе му ја соопштат ‘вистината’ на синот единец за неговата посебност.