Поранешниот градоначалникот на Центар од СДСМ, Саша Богдановиќ влезе во војна со својата партија.
Најпрво тој на Фејсбук напиша дека последните прес конференции на СДСМ се како да ги пишува некој задоеник со усташка идеологија или наследник на врховистичка балистичка идеја таргетирајќи еден народ и една земја која секогаш имала братски пристап према Македонија.
„Како припадници на српската заедница секогаш сме давале придонес за развој во разни полиња во државата и така ќе биде и во иднина но, очигледно на некоја група во СДСМ која најверојатно треба да се докаже на некој србофоб и србомрзец во скоро секоја втора или трета објава споменува српски, Србија, срби итн” напиша Богдановиќ.
На ваквите обвинувања, експресно возвратија од СДСМ. Оттаму, го нарекоа Богадновиќ кординатор на Српска напредна странка во Македонија додавајќи дека Богдановиќ прво ја предал партијата, а потоа и државата за пари. Од СДСМ додадоа и дека ги сакале Србите, но не и предавниците и криминалците.
