Синоќа скопската полиција спроведе засилени контроли во повеќе делови од градот додека траеше одбележувањето на Денот на албанското знаме. Во акцијата, што се одвиваше од 20:00 до 00:30 часот, полициските екипи утврдија вкупно 12 прекршоци поврзани со сообраќајната и јавната безбедност.
Меѓу санкционираните случаи имало двајца возачи без возачка дозвола, едно лице кое управувало возило со истечена регистрација и уште еден возач што возел со несоодветна категорија. Најголемиот дел од мерките – осум на број – биле изречени поради ризично однесување, односно лица кои за време на движење стоеле на надворешни делови од возилата.
Полицијата информира дека привремено одзела и едно возило поради сомневање за техничка неисправност. Од Министерството за внатрешни работи додаваат дека контролите ќе продолжат и во наредниот период со цел да се спречи опасно однесување и да се обезбеди поголема безбедност на граѓаните за време на масовни собири и празници.
