18-годишен мотоциклист од Кавадарци се здобил со тешки телесни повреди во сообраќајна несреќа што се случила на улицата „8 Септември“ во градот.
Според информациите од Министерството за внатрешни работи, несреќата била пријавена вчера во 20:30 часот во Одделението за внатрешни работи Кавадарци.
Во сообраќајката учествувале патничко возило „фолксваген пасат“ со кавадаречки регистарски ознаки, управувано од 44-годишниот Б.И. од Кавадарци, и мотоцикл со кавадаречки регистарски ознаки, кој го управувал 18-годишниот О.Р., исто така од Кавадарци.
Мотоциклистот по несреќата бил пренесен во Општата болница во Кавадарци, каде што му биле констатирани тешки телесни повреди.
На местото на настанот увид извршила екипа од ОВР Кавадарци, а се работи на утврдување на околностите под кои се случила сообраќајката.
