Од Општина Кисела Вода најавуваат дека ќе извршат вонреден инспекциски надзор за околностите поради што дошло до несреќата на градилиштето на улицата Козјак во петокот, кога еден градежен работник загина, а тројца беа повредени при ископ на темели за станбена зграда.
– Општината иницира вонреден инспекциски надзор со вклучување на сите раководители од надлежните сектори. Ќе се направи целосна проверка на безбедносните услови, вклучително и контрола на противпожарната опрема како и стандардите за користење на ХТЗ опрема по што ќе се постапи согласно сите наоди и препораките, соопшти градоначалничката на Кисела Вода Бети Стаменкоска.
Таа упати уште еден апел до јавноста за воздржување од ширење на непроверени информации и политизација на случајот додека надлежните ја завршуваат истрагата.
