Во населбата Мичурин во тек е реконструкцијата и асфалтирањето на улицата „Симеон Кавракиров“, која претставува значајна сообраќајна врска за жителите на овој дел од општината.
Од Општина Аеродром информираат дека улицата е со должина од 485 метри, а проектот опфаќа поставување на 3.950 квадратни метри нов асфалт, изградба на 2.305 квадратни метри нови тротоари со бехатон-плочки, како и поставување нови ниски рабници за поголема безбедност и подобра функционалност на просторот.
Од локалната самоуправа посочуваат дека со реализацијата на овој проект значително ќе се подобрат условите за движење на пешаците и возачите, а населбата ќе добие поуредена и современа инфраструктура.
„Со овој проект добиваме побезбедна, поуредена и помодерна улица, а жителите подобри услови за секојдневно движење и поквалитетен живот“, велат од Општина Аеродром.
Вкупната вредност на инвестицијата изнесува 22.630.000 денари.
